فرید بھنڈار

گھڑی میں ویکھاں

گوگی باغ وچ آونا اے

رَل دوہاں اساں اک میٹنگ تے جانا اے

بال الکھ جیہا اک آیائے

پالچھ بُوت کلا لؤ باجی

ہسّاں ‘‘چِٹا پالش ہے ای؟’

‘‘نہیں باجی لال کلا لؤ کالا وی اے’’

‘‘چِٹے بُوٹ نوں لال کرا لاں؟’’

‘‘چلو تُسیں پیسے دیو نا اگلی واریں لے آوساں میں چِتّا’’

پیسے ویکھاں بھَجّے کول نہیں کوئی

امب دے لمکے ٹَاہن تے میں چک نال بہایائے

’’آ جُھوٹے لیّے دوویں’’

گوگی آ گئی اے میں لہہ کے ٹُر پئی آں 

چھال مار کے مگرے آیائے

‘‘پیسے دیو نا اگلی واری جوگے’’

گوگی کولوں منگ میں دس ویہہ دِتے نیں

لے کے آہندائے

‘‘جیہلا آکھو لَنگ ہو جاسی اگلی واریں’’