”ایویں دڑَنگے مار نہ سانُوں شکلاں وٹاء وکھاؤ،
ایہا دڑنگے اڑنگے نیں
ایہناں ای ڈھاؤنا اے اوڑک تہانُوں،
ایہہ شکلاں نقلاں نیں
اوہناں دِیاں، اوس ویلے جو بننیاں نیں“،
”تہانُوں کیویں پتہ اے اوہدا اجے جو ہونی اے“،
”ہو سکدا اے نہ ای ہووے
ہو جاوے کُجھ ہور جیہدا سانُوں پتہ نہیں،
رِزمو رِزمی آہی ناہی دا رنگ اننتر لگدا آیائے
دِسنا ادِسنا،
ٹیوا میوہ تے نہیں
سیوا متے ہووے“
”ماری آئیے نا وت دڑنگے“
”آہو، الاہنگاں وِچ ای خوشی چاہے
بھانگا مَلّ والا نِکل جاوے“