تیرا لِکھیا پڑھدا پیا ساں پنجویں کہ ستویں واریں
ہر واریں سمجھ بدلدی سی پئی
بتّی اِک دم چلی گئی اے
باراں وج گئے ہوسن
(نویں ٹائم دے- پِچھلے دے یاراں)
پتہ وی ہوندائے جانی اے پر پھیر وی لگدا ئے اِکدم گئی اے
مارشل لاء دا سُن کے ہر واری لگدائے جیویں-
رات اج اوہا اے کل والی
بتّی چلی گئی اے
میں اُٹھ کے بوہے بند کرنے نیں
اِک وجے مُڑ آونی اے
مُڑ جاگو مِیٹی اُٹھ کے بوہے تکنے نیں
بند ٹھیک ہوئے نیں نہیں ہوئے
پر کل رات تے بدل ناہا
وِچ وِچ گُڑھکدی ہانڈی
کنیاں دی ترِپ ترِپ وی نہ آہی
جیویں مُنڈ کُھنڈیاں نال پِچھلِیاں کردے ہوون بُڈھڑے،
وِچ وِچ چمک وی کوئی نہ آہی
ساہمنے پئی کتاب نوں پنسل کاغذ نوں
پلک جھپک کُجھ ہور بنا لُکاون والی،
نہ کل کول ہا تیرا لکھیا