فرید بھنڈار

''آر ٹانگاں پار ٹانگاں 

وِچ بگلا نھاوندا

بگلے نوں میں لتّ ماری

پُٹھا ہو کے گاوندا''

''کدیں بجُھارت آہی''

''تُسیں اج بجُھ گِھنو

پَے جو گئی اے''

''کیہ بجُھیئے

ہُن ایہہ بجُھارت رہی ای کوئی نہ''

''کیہ تھی گئی اے''

''تجارت''

''اوہو کر ویکھو''

''کر لئی''

''کیہ وٹیا جے''

''زِیارت''

''کَیں دی''

''اِک لتّ تے کَھلے

تپسّیا رِزق گھال وِچ رُدھے نُوں 

تُساں دُوجی وگاہٹی ماری

ڈَھے کر مُونہہ اسمانیں گنوِیوس:

لتاں نال اساں بھجنا کوئی نہیں 

اساں بھگت بھجن

سواہر دا راگ،

بھگ بھوجن ساڈا لاگ،

اِک ہو بھوگ کھراس پھرائیے

دوء ہو ست دھن اُپائیے

اساں دھرت سُورج دی نینہہ نِرت

دینہہ رات

ٹُھڈ ٹھکورِیں ہو گھڑیال اساں وجنا کوئی نہیں''