رُکھ ہے اُچا بَھریا
باغِ جناح وِچ ناں ایہدا
الشیطان ای لِکھیا ہویائے،
منٹگُمری ہال ساہمنے
دائرے وِچ کَھلے نیں ایہہ الشیطان صاحبان
اِتھاں تاں ہے ایہہ کلّا ای
انسان ای لگدائے
ول اِک اپر پئی چڑھیندی اے
پَتر نیں لمّے چوڑے نال کھڑیندی اے
ڈھیر جانے ہدوانیاں دے،
لِیکاں ساویاں پِیلیاں،
چِڑیاں باغِ جناح دِیاں
لارنس گارڈن ہوندا سی جیہڑا
اُردو انگریزی تے پڑھدیاں ہونیاں نہیں
اپنی بولی وِچ ایس یار نوں پتہ نہیں کیہ کہندیاں نیں
جیہڑی اُڈاری اُڈ ایہدے سَنگ بہندیاں نیں
متے اوہناں بھانے اوہا ای ایہدا ناں ہووے