نہیں چاہوندے ایہہ سڑک پار اسیں کرئیے
آپنا ڈر تے دسدے کوئی نہیں
چاہوندے نیں اسیں ڈرئیے
آکھن ''سڑکو سڑک چلو
نہیں پار تہاڈے وارے
گئے پرانے لارے ہُن کیہ تکدے او
گڈیاں فوجاں نیں
جیہڑا راہ مارے سو ہے نہیں
وگدی نال وگو
ایہہ جنج ہے رَل ہی جاسو
دیگاں چڑھیاں نیں
جو دِل منگدائے سو کھا سو''
سڑک پار سانوں رب دوارا نہیں
ہے مِلن دا کارا
نہیں چاہوندے اسیں حیلہ کرئیے
سڑک نہیں ایہہ دُھوں دریا ہے
دُھوں مگر مچھ چاہوندے نیں اسیں دُھوں مچھیاں بن ترئیے