جُگ جُگ بھائیں 1 خلق دُھکھائیاں
دُھکھ دُھکھ بجُھدِیاں آئیاں
لائٹر ماچس تدوں نہ آہے
سمی دا لڑ پھڑ پتھر رگڑ جگائیاں،
کچ پک کرن تے کم ہا ایہناں دا
رل بیٹھن دا چارا وی آہیاں پوہ مانہیں،
بُھلیاں نوں راہے پاون
جوگ بھوگ نوں ہِک کر سُتّی کلا جگاون
وی بھائیں دے آہر آہے،
ہُوڑ کُوڑ نوں جھاڑ کے بالن ایہناں کرنا
مان تران نوں ساڑ سواہ کر صابن ہتھاں تے دھرنا،
اج بھائیں
کِھیسے خانے ساہ گُھٹ بَیٹِھیاں
نِکل مچن دا راہ پئیاں تاڑدِیاں نیں
1- بھائیں = اگّاں -