فرید بھنڈار

ویس بھادریں پہر1 وساکھ آ رلیا اے،

سُرجن تکدیاں کنکاں نُوں

ڈھا گڑیاں نال مَلّ2 نوالن3 دا ہویائے آہری

گَڑھک4 گُڑھک5 پیا تھاپڑدا اے آڑھتیاں نُوں

دَھر سِر چِھکُو ٹوپی،

بھلیو پتہ تے ہویا تہانوں

جو کرسی صاحب سو بہتر کرسی،

بیٹھو ڈاہ تسَلّ مُصَلّےٰ،

کر دُھوں دُھپ ڈَھلدے

ہفت افلاکی آب حیات نال وُوضو مَلّا،

منڈی تُہاڈی نُوں

اساں چاڑھ فصیل بہشتی جانو ولیا اے

ہیٹھ فصیلے نالو نال ای ڈُونگھی نہر وگائی اے

گاہکا باغ تُہاڈا سدا بہارا رہسی

1- پہر= پہن کے- 2- مَل= مِلکھ، ملکیت- 3- نوالن= پالن، پرورش کرن-

4- گڑھک= گج، کڑک- 5- گُڑھک= اندرے اندر ہسن، گُجھا ہاسا-