گالھاں پَوندِیاں آئیاں
تے پَوندیاں رہنیاں نیں،
ایہا تے تھال ہوئے
دھر جیہناں وِچ ٹُکّر سانجھا در درویش کریندے آئے،
ایہا تے مالاں نیں
اوہ دھاگے پریم پرو گلِیں پہریندے آئے،
ایہہ ساڈیاں سیّاں نیں
تُھڑ کُھٹ دے گَھٹّے پُونجھ مُکھاں توں اوہناں دے
سانُوں وِسرِیاں سَکِھیاں نال مِلاوندیاں آئیاں نیں
ساہ نیں ایہا اندراں چوں نِکلے
سُرک جیہناں نُوں رُکھ سُگندھاں سَریندے آئے نیں وائِیں
سریندے= گَھلدے، ٹوردے-