فرید بھنڈار

ویلا لنگھ نہیں گیا کِیڑی کاڈھیاں دا؟

اساں حاکماں دے ہُن تاں نہیں ٹِھیپے

کیہنوں وار سِروں خانے پُوردے حج منظوردے نیں

ویلا لنگھ نہیں گیا پاندھے پاڈھیاں دا؟

کیہناں مُونہاں تے مَڑھ تویت منتر

چڑھ موکھ1 مناریاں گُھوردے نیں،

ہے ہُن دَور صلاحیاں 2 کوریاں دا؟

دَوری کُونڈیاں مٹ بخوریاں دا؟

حاکم بٹن ہوئے

سَینتر نال ہی آپ نپِیوندے نہیں؟

سَنے گُونہہ گارا ندیاں پِیوندے نہیں؟

سُونہہ لگی ہے بھال اندر باہر

جد تائیں

سَنے بٹن مشین چوی نہ جائے

آہر جیون دا ہتھ ساڈے تھی نہ جائے

ایہہ گہر3 گُمان دی چَھٹنی نہیں

1 - موکھ: 1) نجات، مُکتی، آزادی، 2) تویت دھاگے دا عِوضانہ-2 - صلاحی: صلاح کار، مشِیر، اَیڈوائزر-3- گہر: 1) دُھند، دُھندلاہٹ، 2) غصہ، کاوڑ، ویر، شُبہ-