پئے آوے تَپدے نیں
پَیلی بیلے ہوئے کَولونِیاں
ولیاں کچ فصیلاں
کوٹِھیاں تے پَڑ کوٹھے پے گئے
ٹَپن نِکلے جیہڑے
اوہ بھوریاں اندر لہہ گئے
بھوریاں اندر بھورے ہو بُھر بُھر ٹپدے نیں
ٹپدیاں نوں لیپ ٹاپ پئے جَھپدے نیں
بنھ کے کِتھے گھلیئے ایہناں نوں
گھاٹوں ہٹویں 1 کیہڑی کمپنی پائیے
جو گھاٹا وادھا ہو جائے
مونہہ اخباراں دا بند نہیں ہوندا
کالم گھڑمچو پھیر وجائیے دیگاں
کِتھے کتنے دسترخوان وچھائیے
مزار مسیت مسیت بزار کرائیے کتنے
دِن رات پئے کوٹھی کوٹھے کھپدے نیں
1 - گھاٹوں ہٹوِیں = اَوف شؤر-