فرید بھنڈار

مانو1 نچدھر2 لاٹُو دے رنگ برنگ،

نِیلی سُنّ3 اے بِندی4

جانے5 انبر،

بِندی لمّی پَے، تِھیوندی اے بے6 ساوی7،

پِیلک8 سہنسا9 جوڑ اجوڑ اے

دو جِیاں دا،

اوہنوں کر کے الوپ

لالو لال ترِیج رَتّا امرت پِیوندی اے

تھی الِف

نِت ہر وِچ ہر ہو جِیوندی اے

1- مانو: 1) محسوس کرو، 2) انند لؤ-2 -نچدھر: نچیار-3 -سُنّ: کُجھ نہیں، صِفر، زِیرو-

4 -بِندی: گول نشان- 5 -جانے: 1) یعنی، 2) جیویں -6 -بے: ب- 7 -ساوی: ہری-

8 -پِیلک: پِیلا رنگ- 9 -سہنسا (سنسا): شک، اندیشہ، وہم، گمان، کھٹکا، خدشہ-