فرید بھنڈار

راج کُما1 گُھماون2 دا

مُڈھلا وسیلہ3 ہویا تُکھنی4،

لوک5 نُوں دھڑیاں 6 چ بنھّ کِھنڈاون7

بجھیاں دھڑیاں نُوں بِھڑاون

تُکھنی راہِیں تِھیندا8 اے،

پُورے جگ تے عِلم اُسرگّا9

ایہو چج10 سِکِھیندا اے،

صدیاں دے دھرو دھکّے اُسارے

اُچے لمے بُرج11 منارے12

اِکدُوجے دیاں سِراں نوں ٹکراں مریندے

ڈَھے گئے،

ست سمندر پاروں آئے

وپاری1 تُکھنی سیانے

آن2 مَلکڑے3 تخت تے بہہ گئے

1 -راج کماون: حکومت کرن- 2- گُھماون: 1) پھیلاون، 2) ٹُھک چلاون-3 - وسیلہ: ذریعہ، طریقہ، ڈھنگ- 4- تُکھنی: چاون، اُکساون دا عمل-5 - لوک: خلقت، عوام-6 - دھڑے: گروہ، ڈھانیاں، گروپ، پارٹِیاں -7 - کِھنڈاون: وکھرا کرن-8 - تِھیندا: ہوندا- 9- اُسرگّا: 1) اُساری عمارت، بِلڈنگ، 2) جائیداد، مِلکھ، 3) اِنسٹی ٹیوشن، 4) اڈنبر، سامان-10 - چج: طریقہ، ول-11 - بُرج: قلعیاں دِیاں کندھاں اُتے پہریداراں دے کھلوون دی جگہ- 12- منارے: مینار (جمع)-

1 -وپاری: بیوپاری، کاروباری، بِزنسی-2 -آن: آ کے-

3 -ملکڑے: سہجے، ارام نال، اَوکڑ اوکھت توں بغیر-