جیہڑی تِتری1 عام پُھلاں تے پِھردی اے
اوہ ہے بدامی
عام چِڑی دے رنگ دی
ایہہ رنگ بے رنگ اے لال نہ پِیلا
جیویں سلیٹی اے
نہ کالا نہ نِیلا
ایہہ رنگ جیہڑے نہ ایہہ نہ اوہ ہوون
سادی روٹی وانگوں
پانی وانگوں
خاص نظر نہیں منگدے،
جیہڑے وکھالا کرنا چاہوندے نہ ہوون
اوہ ایہہ صُفیانے پاوندے نیں،
(اگے عام آہا، ہُن کپڑے دِیاں دُکاناں تے ای
لفظ ایہہ بولیا جاندا اے)
سوچن والی گل تاں ایہہ ہے
ایہہ تِتری ایہہ عام چِڑی
اپنا آپ وکھانا جے نہیں چاہندیاں
پھیر کیہ چاہندیاں نیں
1- تِتری: تِتلی، بَٹرفلائی-