اوہ نہ ہووے کَل کِیڑی راج کرے
جیہناں بازاں دیاں نیناں وچ ڈورے واہے نیں
جیہناں شیراں دیاں زلفاں نوں وسمہ لایا اے
جیہناں مگر مَچھاں نوں دند خلال کرائے نیں
ہُن پئے ڈردے نیں
اوہ نہ ہووے
مُکھ میلدِیاں نوں سیدھ دی سار جڑے
نینو نین کوئی گُجھڑا حرف پُھرے
بھونو بَھون کوئی کَن سَن ڈھول گُھرے
گلیو گلی اَن دِسنی واہر چڑھے
جیہناں بِجُواں اگے جنگل گہنے پائے نیں
ہُن پئے ڈردے نیں
اوہ نہ ہووے
کُل جیا جُون دا کِیڑی کاج کرے