[ترَے سنگیاں
جھاکت راکی تے جلَور
باگے رُکھ تھلے بیٹھیاں
گل پئیاں کریندیاں نیں]
جھاکت: پانی راوی دا وی تے
سمندر دا ای اے
راکی: نہ، راوی دا تے جا سمندر وِچ رلنا اے تاں سمندر دا بننا اے کہ
جلَور: انج کرو نا
کراچی جُلیاں ای او
بالٹی بھرو سمندروں
دھرو گڈی وِچ
تے لہور لیاؤ
چھٹّا اوہدا
پنجاں دریاواں وِچ پاؤ
راوی بیاس چنانہہ ستلج تے جہلم
تاں سمجھو ایہہ پنجے پُتر
سمندر جائے نیں
وت اِتھاؤں جا پیؤ نال رلن لئی
ایہہ آئے نیں
جھاکت: ساڈی جاچے
سمندر ماں اے نیئیں دی،
سُرجن بھوگ کے
گربھن تِھیندی اے،
اتے پربتاں تے پال کے برفاں
نیئیں جاوندی اے،
دِھیئاں کُھر کھور کے پتھراں چوں
ریت سہیڑدیاں نیں
تے وگ دھریندیاں نیں ماں ساہویں،
اوہ وچھاء بنیرے تے اپنے
منساں جناوراں جوگیاں
وستِیاں ساریندی اے
تے وسنیکاں دیاں مناں وِچ
اپنی اَمَلّ سرنی دے
نِرتک اَیر اُکریندی اے