پچُھے تُوتڑی1
ہیٹھ لگی پھُلواڑی نوں
''کیوں کُڑیو
ایہہ پتھر کیوں پئے ولدے نیں دوال تہاڈے''
''پتہ نہیں، پتھر تے آہندے نیں تہانوں سجاون آئے آں''
''سجاون آکھیؤ نیں کہ سزاون؟''
پتھر آپے بول پئے:
''ہِکا ای گل ای تُوتڑئیے
دو تینوں جاپدِیاں نیں
پڑھ لِکھ آئی ایں
نرسریاں چوں
اساں آپ وی ایہو سجاء بھگتیندے آئے آں
جُگاں بدھی
شیشے، بھرا ساڈے،
رگڑ متھے جیہناں ورھیاں کالکھ لُکائی اے اپنی
دسدے نی جنیاں ایہناں دِیاں
ساہویں اساڈے ہو مُسکان پکیندیاں نیں جِس ویلے
اکھاں اوہناں دیاں سانوں آہندِیاں نیں
'ایہو سجاء جے
سمجھدے او تُساں،
بولی اساڈی ہکا جو ہوئی'' ‘
- تُوتڑی= تُوت دا رُکھ-