''پکیاں گنڈھاں تے لہندیاں نیں کٹیاں ای،
پولیاں ای چنگیاں رہندیاں نیں
کیوں شیخ جی''،
''آہو جانُواں کولوں سَوکھیاں کُھل وی پَیندیاں نیں
تے انجان اُنگلاں نُوں
گُنجھلاں وچ پھسا وی بہندیاں نیں،
گھنی تے پھسیاں نُوں اپنے نِکلن دی
چِنتا ای ہوندی اے،
پر کُجھ کُجھ گنڈھاں نال وی گانڈھا1
بن ویندا اے اوہناں دا،
کھولن دا چارا2 جاپن لگدا اے
کُھل3 اَڈِٹھ4 دا دُوارا5
1- گانڈھا: رِشتہ، تعلق- 2- چارا: کوشش- 3- کُھل: آزادی- 4- اَڈِٹھ: جیہڑی ویکھی نہیں، دِسدی نہیں، پر جیہدی تانگھ ہے- 5- دُوارا: دروازہ-