پئی کرنی ایں وگ نِت کول جہانوں باہر نِیاں
چڑھ نَیں، روڑھ کے لے جا
جو آکھیں سو تِھیوے
شام پئی تیری مَنھ1 جو آئی
ایہا سُرت سمائی
کھڑ راتِیں وِچکار
مرے جو سو جِیوے
نہ کوئی پہل نہ دُوج ہے
نہ ماڑ تگڑ جِت ہار
تیرا لَب سبھ پِیوے
ٹَھل بھرتی نہ ٹِھل مزدوری
آپنا آپ تَر تیری حضوری
جو دَر سو دربار
اناالحق گُونج سُنیوے
پئی کرنی ایں وگ نِت کول اُرار تے پار نِیاں
چڑھ نَیں روڑھ کے لے جا
جو تُوں سو سبھ تِھیوے
1 - مَنھ: بَنّا، کنارہ-