ویکھو، نِکیاں لِیکاں گالھڑ دی پُوچھل تے
سجیؤں کھبّے کہ کھبیؤں سجّے پئیاں وگدیاں نیں،
لمِیاں لِیکاں کنڈ دِیاں
تھلیوں اُپر جاں اُپروں تھلّے لگدِیاں نیں،
گالھڑ مُونہہ بھوا سانُوں کندھ توں ویہندا اے:
''لِیکاں میرِیاں گِندے او
اِکے لِیکاں مینوں لا
وکھرپ اپنا پئے مِندے او ساتھوں''،
آکھ ایہہ گالھڑ کندھوں بُھڑک رُکھ چڑھیا
مِل رُکھ سار نُوں
جا پرواریں رلیا،
لِیکاں لگراں تھیاں
رنگ گالھڑ تے رُکھ دے نینہہ دا
سانُوں کھیڈ وکھاون پئیاں