کبوتر اُڈ پئے نیں
ویکھو اساں دا نِت کِھلردا گھیرا
کِس نوں کِس دی بِھیڑ دا حال سناسن
پردیسی ایہناں نوں جان کے کیہڑا پُکّرسی
کبوتر اُڈ پئے نیں
ویکھو سمندر لہر جیہا
نِت کِھلردا ہار
کیہڑیاں دینہہ تھلاں دے پار
کیہڑے ڈبدے سورج گنبذ ہوسی رات بسیرا
کِچرک پراں دا رنگ رُشناسی
اوجھڑ انبراں دے
کِچرک کندھ ہوا دی سَلھسن چُنجاں سانولیاں
اوڑک پکھنوں نیں
ہُٹ تے نہ وَیسن
رَتیاں اکھیاں
کیہڑیاں رَتیاں اکھاں نوں ونج دیسن صِدق سنیہڑا
کبوتر اُڈ گئے نیں
انبریں کِھنڈیا ہار
ویکھو کد جُڑسی
کد مڑسی سمندر لہر
ہوون ہارا شہر
کد کُھلّیں بانہیں مِلسی ہوون ہاراں نوں