فرید بھنڈار

جُگ جُگ وِچ سَرسَوتی1 سِناپی2

ٹاکی پِھری ست ساہی

دُھپ نکور اَنِیل3 تھیا اسمان،

ہُن چِت چیتیاں اندر نہارو دِیناں 4 دے

گیڑ اَن گِڑے پئے گِڑدے نیں،

ہر دی کِیتی ست ستیا دا دان ہو ویسی ہر ہر نوں

مان گمان کُڑَل ٹَل وَیسن،

ہر ہر کر پیریں

سرسی رس پرتیتی،

آئے لہن تے متھیاں توں پرچھاویں

دھجاں 5 قدِیماں دے

چِکڑ وِچوں تارے کَول پئے کِھڑدے نیں

1- سرسوتی (سرس وتی)= 1) تازگی، رس بھرپور ہوون، 2) اک نَیں جو اُبھے دی پہاڑ لڑی وِچوں نِکل کے انبالیوں کرنالوں لنگھدی راجھستانی تھل وِچ وڑ مُک جاندی اے، 3) کلا، ہُنر دی دیوی،

4) کلا (رنگ، گاون، ناچ، چترکاری، بُت ساری)-2- سِناپی= گِلی کیتی، سِنی کیتی، بِھیوئی-

3- انیل= بے داغ-4- دِین= ہِین، اصلوں بے مَل، کنگال، اَت غریب-

5- دھجاں = دَھج دی جمع (دھج= جھنڈا)-