الکھ لِکھائے لِکھنا آپے پڑھن پڑھائے
الکھ جو ہویا، ہوئے وِچ ان ہویا
الکھ اتھاہ انحد ہے سَد ہے ان سُنیا
الکھ لکھیندا1 اے
اکھیں جدوں نِرمانیاں ساہویاں تھی ٹکرن
اکھ بھرمانی نوں
تے آکھن سہجے، بوہڑ اسانوں بھلیئے
اسیں اُدھارن2 آئیاں آپنے آپ نوں تینوں
الکھ لکھیندا اے
چُلھا بلیندائے بُلھے دا جد اِٹ کھڑکَے
گلی گلی جد وجے دُکڑ
تون سجن دی پکے
الکھ کلا ہے ہینے ہتھ دی جگ دا رنگ وٹائے
الکھ سِکھائے لِکھنا
پہلوں پڑھنے پائے
1- دِس پیندا اے- 2- چھٹکارن، آزاد کراون (اُدھار: آزادی)