فرید بھنڈار

''کیہڑے پینڈے پَین لگے او بھاء جی؟

چُونڈھی چُونڈھی ونڈ کھواؤ

ایہا ای کھنڈ کھواونا جے

منیا دِل دریا ہو تُسیں،

جمع جتھہ عُمراں دی ساری

ونڈ ونڈا کے

سُکّے بیٹ وِچ تھل وساؤنا جے؟''

''چُونڈھی ونڈن تے چُونڈھی وڈھن ہویا،

نِیلو نِیل نیں اگے ای جیہڑے

اوہناں نُوں کھنڈ ایہہ پَھنڈ ہے،

سانجھ بھنڈارا ای جگ ورتارا جے رہندا

تاں جمع جتھہ وِچ عُمراں کاہنوں گلدِیاں،

مَلّ ویہار نُوں جڑھوں پٹن ونڈ کھاون ہے

ایسے پندھ تے پیر پاون ہی

جُگ نویں ہُن جاون1 ہے

1- جاون= 1) جمن، پیدا ہوون، 2) جماون، پیدا کرن-