پنج امب سِندھڑی
آنڈا مغز پنیر پرونٹھا
چِکن کَورن سُوپ دو پیالے
دو کپ چاء
ڈِھڈ گھٹاون نکلیا نِکّر پا
دُوروں دبا سٹ بھجدا آوے
گلاں فون تے اُچی اُچی کردا کاروبار دِیاں
دِل آئی ایہنوں سینت نال ای آکھاں ‘‘ہولی
ایڈی دوڑ نہیں چنگی بھائی جی
ساڈی تہاڈی عُمرے’’
تائییں خبر اوہ رُکیائے
نال میرے ہو میری چالے ٹُریائے فون تے گلاں کردا اونویں
‘‘آہو سینت نال تُسیں لا مینوں تھلے بوجھے پاؤ تسلّا
ایہہ فیئر ڈِیل نہیں گل تے تاں اے پُچھو مینوں
جو کھادا ای کِتھوں آیائے
جیہنوں آپنا پیسہ آہنائیں
اصلوں جیہناں کمایائے اوہ کیہ کھاندے نیں
کیویں ڈِھڈ گھٹاندے نیں
پر ایہہ تُسیں مینوں پُچھو بھائی جی تاں
جے اپنا آپ گوا بیٹھے ہوو’’
جیویں دوڑدا آیا اوہ تیویں دوڑ پیائے
میں اپنی چالے ٹُردا آیاں
بجُھی ایہنے کیویں میری سوچی
کل لنچ ایہدے نال رکھنے آں