نینہہ تے دینہہ دا وَیر کیہ اے،
اِکو جیہے ناں دونہاں دے
رلدی مِلدی شکل اواز،
پچُھیا مُفتی لِیر لنگوٹ نُوں
کیوں جی شرع دا مسئلہ اے؟
آہندا اے، ''کیوں نہیں
شرع توں باہر وی ہے کوئی تَسلا؟''
''تے ایہہ تسلے نیں دوئے
نینہہ تے دینہہ، مُفتی؟''
''آہو تے ہور نہیں''
''پھیر تے مسئلہ بھانڈیاں والے بزار دا ہویا''
''تے اوہ شرع توں باہر اے؟
اوہ تے عین وِچکار ہویا
باہر دی گل بھنڈ کرسن
یا کرسی مُڑ پھانڈا''
پھانڈا= 1) تیز ہوا نال وسدا مِینہہ، 2) جھنبن جھاڑن-