بُوٹا گَھن ساوا
ویہندیاں میرے پھگن پھگن وِچ چِٹا دُدھ ہویائے،
پُچھیئم پتراں نوں
ہریوں سُک مِٹِیل ہوون تے ہویا ای،
ہریوں پیلے پِیلیوں لال ہوون تے مام ہے
جیون پندھ دی،
تُسیں بِھرا جی ہریوں بگّے کیوں ہو گئے
چِٹ چِٹاکِیاں تلِیاں اُتے
ہری چِھٹ وی تُساں جری نہ،
پَتر ہِک دوجے ول تک پئے مُسکن
مُڑ آہندے نیں ''کَن کر''
اُڑ نیڑے ہویم
دھمک دھمالی کِھنڈ گئی آل دوالے
واج گاون دی آئی اے:
''وِیرا کھیڑ بے رنگی او
پئے پہراؤ گِنت پُشاکاں
کھیڑ ننگی دی ننگی او''