فرید بھنڈار

کتابڑ1 پھیرِیاں 2 تے ہیری3 آونا اے،

مت4 نُوں متِیرن5 توں ولا کے

وچار دی گَت6 نُوں سنگھنا کر کر

کیری آونا اے

خلق دی تک7 تے،

پر اکھیاں کول پلکارا8 وی ہے

جیہنے پل مِیٹ پل کُھل کے

ورانی9 چھنڈ دینی اے

اَنگل10 اَنگل نُوں سِیر11 کِھیر ونڈ دینی اے

1- کِتابڑ: کتابی- 2- پھیرِیاں: لِکھ کے چھپوائیاں، ورتائیاں پڑھائیاں – 3- ہیرن: گھیرن-

4- مت: عقل، سوچ- 5- متِیرن: دوست بناون- 6- گت: طریقہ، سٹائل- 7- تک: نظر-

8- پلکارا: اکھ جھپکن- 9- ورانی: اوپر، بے گانگی، ایلیانیشن- 10- اَنگل: انگلی- 11- سِیر: سانجھ-