سجرے کِھڑے گُلاب ولَیتی
ہر کیاری تے لگی تختی
اُڑ میں پڑھناں:
پِنک پرفیوم
کارڈِینل
پرفیکٹ موومنٹ
سِگنیچر
"روٹی کھانی اے انکل"
ایہہ سرکاری پارک ہوئی
وڑ نہیں سکدے باہروں منگتے
خبرے کون نیں بال بالڑی
ماندیاں اکھیاں لیڑے چُڑ مُڑ
کدیں کِسے نے ایہہ نہیں ٹھاکے
ایتھے ای لگے اُگے نیں جیویں،
اج وی سَر وچ نچ نچ رَلدیاں لہرڑیاں وَل
کنڈ کر کھلے نیں دوئے
"روٹی کھانی اے انکل"
ٹور دوہاں نوں مُڑ میں اُڑناں:
بلیک بکارا
ہوکس پوکس
یاک شیراک تے مارگریٹ تھیچر