ریس کورس پارک دا جوڑا
اج بُجھے بُجھے نیں دوویں بنچ تے بیٹھے
پرسوں مچے پئے سن
وِچ دِن آیائے کُجھ کر گیائے
کہ رات آئی اے
میں آہناں متے میں وچ روک نہ ہوواں
پر پرسوں رُکھ نال ٹیک لائی بیٹھا میں اِیویں لکھدا
کاں ساں ایہناں بھانے کہ ساں ای کوئی نہ
پیراں وچدیں رنبی لنگھاوے مالی بھَوں چَوں
مہندی رنگیا سِر وی گوڈیاں وچ پِھراوے
ایہناں بھانے گالھڑ ٹپوسیاں لاوے
اِک دوجے نوں گھُٹ گھُٹ چُمدے
کری جاندے سن ایویں جیہیاں گلاں
اج سِر سُٹ گُم سُم
ساری عمر دی جمع جتھا جیویں لا ونجا بیٹھے نیں