پُھل ہے کِیڑی
کِیڑ بھمبیری
اندر مُونہی بسنتی سُوہیاں پنج پتیاں
ہِکلا نہیں کِھڑیا
جُھرمٹ کِھڑے نیں
کھیڑ ہے میل سہیلی
بَھون بھمبیرے
نچ نچ پترو پتریں میل مناون پئے
پتر نِیل بھرے
وِٹھ پکھواں چترائے
ہسن حیرانے چِٹّی ہولی1 کھیڈ کھیڈ کے آئے
میں پُچھناں ایہہ ناں روڈنِشیا کِتھوں پایا
آکھن کن کر
ناں مجبوری او بندہ جُون دی
آپ گُما کے جنگل منگل ڈھائے ہَونکدا
کُھوہ کھاتے وِچ لا کے ناواں
ناں دی کُرسی ڈاہے
اساں نہ ایہہ گمان ہنڈائے
1 - ہولی: ہولی دا تہوار، جدوں اِک دُوجے تے رنگ سٹے جاندے نیں–