فرید بھنڈار

'' تُساں ای گڈیا

پال پیال1 پُنگار اُساریا

تُساں ای کاپا2 کر چھڈیا اے،

سُکھی نہیں وِچوں،

کیوں،

پے گیا اے چھاپہ3؟''

کُجھ سُگھواناں4 پچُھیا

''آہو''، تُساں آکھیا

''ایس واڈھی نے ساڈیاں

کر پیراں نُوں وڈھیا اے''،

پچُھیونیں ''کرسو کیہ ہُن''

پرتاوا5 تُہاڈا آیا ''کرنی ہی بھرنی6 ہوندی آئی اے واریاں دی

1- پیال= پیا کے- 2- کاپا= اُتوں فصل نُوں کپن- 3- چھاپہ= حملہ، (مالکاں دا فصل دے پھَل دے چوکھے حِصے تے قبضہ کرن)- 4- سُگھ وان= سُوجھ سار والے- 5- پرتاوا= جواب-

6- بھرنی= جُرمانہ، سزا-

اندر ساڈے کھاپا1 ایہہ ڈُونگھا ہوندا گیائے،

ہُن چھاپے ماری دے رَچھ2

کُٹاپا3 کر جَر سٹنے نیں اندر اساں،

پُور کے4 کھاپا دھرت سواہری5 کرنی اے

تاں ای پُورن6 دیاں کر پیراں دی راہی7 سرنی اے''

1- کھاپا= کھپہ- 2- رَچھ= اَوزار، وسِیلے- 3- کُٹاپا= 1) کُٹائی، کُٹن دا کم، 2) مار کُٹ-

4- پُور کے= پُر کر کے، بھر کے- 5- سواہری= اِکو جیہی، اُچ نیچ توں بغیر- 6- پُورن= پُورن بھگت [پُورن نُوں ہتھ پیر کپ کے راجے سلوان نے کُھوہ وِچ سٹ دِتا- بالناتھ اوہنوں سنبھالیا، ہتھ پیر نویں اُپائے، کُھوہوں کڈھ کے سانجھ ویہار اُسارن دے آہرے لایا- سیالکوٹ پرت کے پُورن خلق کولوں سِیروَری دی اُگاس اُگوائی]- 7- راہی= واہی، بِیجی-