فرید بھنڈار

آہو،

اسیں تے ہوئے نا ڈانگری دُھروں

آپ جو اصلوں ڈانگر1 ہوئے،

پر پتہ اے تہانُوں

ساڈے پِچھے نیں توپی بندُوقی،

ڈانگو ڈانگ نہ ہوئیے اسیں جے

اِکدُوجے دے وکھو وکھ ناں دھرا کے

تے کیوں پہراون ٹوپی سانُوں

کیوں کراون صندُوقی

اوہ اُستاکار2 اساڈے؟

اسیں نہ ہوئیے وکھو وکھ

تے کیویں ہوون اوہ رکھّو3 رکھّ4

1- ڈانگر= 1) ماڑا، لِسّا، 2) مُورکھ، اُجڈ، 3) پشُو، ڈنگر- ڈانگر= اِک قِسم دی زمین-

ڈانگر= ڈانگری، ڈانگ نال لڑن والا- 2- اُستاکار= 1) اُستاد، ماہر، کاریگر، 2) چلاک، دھوکھے باز-

3- رکھّو= رکھنہار- 4- رکھّ= 1) سنبھال، منال، مِلکھ، 2) ریزرو کیتی جگہ یا کُرسی-