فرید بھنڈار

ہوکاں وجدیاں آئیاں نیں

اندر اوہناں دے ہُوک دبِیجی

کُوک ہو نِکلن تانگھدی اے

سوچدی اے وت جَھٹ اَجھک

کُوکن بھلا کِس کاری؟

والھ پرِیتی

مالھ پرو

گل پاونی آں،

ٹِنڈاں بھر بھر ڈھونی آں پانی

سُکدیاں بُلاں خاک دیاں نُوں لاونی آں

ہوک= اعلان، منادی، مشہوری/ ہُوک= 1) دُکھ بھری پُکار، 2) اندر دی پِیڑ-

والھ= واہل= 1) ذمے واری، 2) چِکنی مِٹی، گوئی ہوئی مِٹی، 3) دریا دا پُرانا راہ-

مالھ= ماہل= 1) کُھوہ دے اندر پِھردی رسی جیہدے نال ٹِنڈاں بنھیاں ہوندیاں نیں، 2) مالا، ہار-