کون دھر گیائے ڈھول ایہہ کول ساڈے
جیہڑے وجنے نہیں
وِچوں بھرے ہوئے نیں
نہیں ویہل کوئی جیہڑی بول پوے
سُنو
گُھٹی گُھٹی جیہی واج
ایہہ کیہ پئی آکھدی اے؟
‘‘کسے دھرے ناہیں آپے آئے ہاں
دیو کھول سانوں
لاہو بھار وِچ ہانہہ دے پول پوے
جیہڑے سَد گُھٹیج دبیج گئے
کنِیں پَین تے گُم سُم اکھیاں وِچ
رنگ سانجھ سنجان دا کُھل کھیڈے
پاڑ پئے سدیویں تھلاں پربتاں وِچ
گل لگ روون
گُونج ساڈی دی جان وِچ جان آوے’’