فرید بھنڈار

''بھرا جی گنڈھاں وجیاں رہن دیو

یاں کھول دیو

گل تے اِکو ای اے،

اِک کھولسو تُسیں تے دو نہیں چار ہور پَے ویسن،

دو نقد تے دو ہُدھار بزار ہوئیاں''

''گل اِکو تے نہ نا ہوئی

اِک تِھیں چار ہوئیاں''

''کوتر سَوواں سچ آکھیا جے بھرا جی،

گلاں گنڈھاں 1 ای نیں کہ

منڈیوں انگلاں دے گُجھ لیکھے بنھیاں 2

ریڑھی واناں دے ہوکے کھول وکائیاں

چار توں چار ہزار ہوئیاں،

جو سَودا پرچار وی اوہا،

آپے گولی

رفلی3 آکھو حِکمی4 آکھو

آپے ای مُردار ہوئیاں''

1- گنڈھ: 1) گِرہ، باندھ (دھاگے رسی کپڑے چمڑے آد دی)، 2) سَودے جِنس دی2- منڈیوں اُنگلاں ……: منڈی وال (منڈیال) سَودے دی قیمت مقرر کرن لئی ہتھ مِلا کے اُنگلاں دی ٹوہ نال فیصلہ کردے نیں 3-رفلی: رائفل دی 4- حِکمی: حکیمی (حِکم: جمع حِکمت)-