بھابی سلمیٰ جدوں دی ڈیفنس گئی اے
ایڈے پیار نال مِلدی جے کیہ دَساں
ساڈے گھر گھر جیڈے نیں لان باہر
ساڈیاں اندراں جِیڈے نیں غسل خانے
واش روم جیہناں نوں آکھدی اے
بھابی بچے چارے ایڈے ادب نال مِلدے جے حد کوئی نہیں
تے بھائی اکبر
ایتھے ویکھ کے نَک ٹُھونہے سٹدے سن
ساری عمر دا تہانوں تے پتہ اے نا
اوتھے جاؤ تے اُٹھن ای نہیں دیندے
لؤ جی ایہہ کھاؤ لؤ جی اوہ کھاؤ
ترلے ماردے نیں
چار کِچن نیں کھان تے مُکدا ای نہیں
دِن توں رات تیکر
مُنڈے دوویں پڑھائی وِچ چَل پئے نیں سچی
تُساں مننی نہیں منن والی وی نہیں
تے نماز جماعت دے نال بھابی
مسجد کار تے دُور تے نہیں گھر وں