سہج سبھائ
اساں ڈوری لوءدی کڈھ چِھکنے آں گنڈھ ہنیر چوں
لائی اے پال سنبھال پنیری سُپنیاں دی
بلدی ریت نوں سِیت کرینے آں
کھجیاں دی چھاں نال
ایہناں چَوَلاں اگے چند دا تھال دھرینے آں
تِھڑکے جد کد
جڑھاں اساڈیاں چِھک کھلہارسن سانوں
سہج سبھا
اساں سِکھنے آں کار کِیڑی دی
تِیلی ماچس وانگ نہیں پَل دا پَل بھڑکیندے
نِت دُھکھدے اساں مَچ ملنگاں دے چِرکالے
ساہ ساڈا
دو میل1 جِتنا لمّا ہے
سو سہج سبھائ
پیر پیر چِھک کھڑنے آں پئے وار دے اتھرے گھوڑے نوں
توفیق زیّاد
(فلسطین)