ایس ویلے،
کیہ دَسیئے،
آہو ایس ویلے
اسیں تے ہوئے اُسترے ہتھ مَلواناں دے
مُکھ سواردے
رُوپ سرُوپ ونووَن دھاردے
اوہ سنسار سوار نیں،
پر ساک تے ساڈا اندروں ہویا مُولاں سنگ
سانُوں دمو دم بھَچھدِیاں رہندیاں نیں:
مَلّ دی چَونکی اُتَھلّو
سانُوں اُدھارو،
رنگ واس ہے تت ست ساڈا
واء سُرجن دے عِشق دی دات،
ایہنوں کِھنڈاؤ
جی جی دا اندر بَہارو
مُولاں = جڑھاں - بھَچھدِیاں = چُکدِیاں، اُکساؤندیاں - اُدھارو= چُھٹکارو-
بہارو= بہار دی رُت لاؤ-