حرف کوئی فوجاں ناہیں
دے تلواراں گھوڑیاں اُتے چاڑھ دیو،
حرف تے مَوجاں نیں
وار سمندروں ول خاک دے دھاوندِیاں،
دینہِیں ولاون دینہہ والاں کُوں
سنبھی سنبھالی آوا جائی کر
رات اَلَست اَلاء اسمانیں ہتھ پاون،
واء سنگ جھات اننت لُگاں وِچ
ہُسَڑ گُماں سُنگھ دھرت ڈھلیندِیاں،
کدائیں ہڑھ واچھڑ
تسل تسَلّے روڑھ کھڑن،
کدائیں سہج پُھہار
کنی کنی کن سجن گلکڑی
سُگھ سَگھ رنگ سنبھوگ رچیندِیاں
سِرج نویلی اندر سہج سماوندیاں