میاں مِٹُھو دی واپسی
“کیوں آیائیں ساڈے کول
جا چُوری کھا تے بندیاں دی بول
جا توپ چلا اوہناں دی
تاش دے پتیاں وِچوں اوہناں نوں
دس لیکھاں دا لِکھیا
بندیاں بھانے اساں تے کیَں کیَں کرنے آں
بندیاں بھانے تُساں وی ٹَیں ٹَیں کردے او
کاں ڈِٹھّے نی پَر کٹویندے؟
کاں ڈِٹھّے نی پنجرے پَیندے؟
جا ماڑے جِھینے لوک ولا
کَھمب کھُہا اپنے وی اوہناں دے وی”
توتے چُپ نیں اپنے ہیرو نوں لَین آئے
کاواں دی بولی اوہناں نوں گولی بن گئی اے
توتِیاں چُپ گڑُپ نیں