اخبار شاہ گذر گیائی
خبر کِتے نہیوں آئی
ساری عمر کُوار ہنڈایا
کم کوئی کیتا ای نہیں
بس ناں اِک ایہو کمایا
گھر سی پُرانا وڈیاں دا چھڈیا
ترے کُل کمرے سن
اپر بُخارچہ
اوتھے ای اوہنے رہنا
ہیٹھوں دونہہ دا آونا کرایا
اوسے تے گذر ہونی
تِن پِیڑھیاں بیٹھ تھڑے تے ایس محلے
پلیوں خرچ اخبار سنائی او شاہ نے
ہُن پتہ لگائے
اوہنوں تے پڑھنا ای نہیں سی آوندا
گھڑ پلیوں سُنائی آیا
محلہ سُنی گیائے
جیہڑا لیڈر اُٹھیا
اوہنوں پُنی گیائے
الیکشن جدوں کدیں وی آیائے
ایس محلیوں ووٹ کِسے نہیوں پایا