کوٹھا بھاویں عرشاں اُتّے ہووے
جِنّا کوٹھا کھڑو اُچیرا
اونا ای پرنالہ اُچّی رووے
پرنالے دی پرننگ نموشی کاہدی
کوئی ویکھن لئی تاں ہوندے نہیں پرنالے
ویکھن لئی ڈیوڑھیاں ویکھن لئی چبارے
نالے ایہناں اُتّے وس کِسے دا کوئی نہیں
پانی آیا پُلاں دے ہیٹھ ایہہ اُتّوں پُر پُر وگ پئے
وڈیاں گھراں دے بال نیں بھانویں
بال کھلوتے ای مُوتردے نیں
جے پرنالہ ہوندا اُنّ دا پِنّا
پھیر خیر سی
جس ویلے ڈِگدا
"اوہو" کہہ کے چُک جھولی وِچ دھردے