پِچھلی تاکیوں تکو
محل پِچھواڑا ہے
ترَے منزلی چھتے پَوڑی لوہے دی چڑھدی اے
چکر کھاندی
کہ سپنی کالی کندھ پلم سلیٹی سرکدی اے پئی
پیر نیں پَوڑی دے
کہ دھاریاں نیں کنڈ سپنی
بھیت ایہہ اوہ جانن
چڑھدیاں نیں جو شام سویرے اُپر پِچھوں
یا جانے اوہناں دی بَوہکر ٹوکر
پِچھلی تاکیوں تکن منع ہے
اسیں تے ساہمنیوں ای لنگھ سکنے آں
سنگ مرمری نُورجہانی حُسن دے در درباری ہو
یا عدل جھروکے نُورالدین جہانگیر دے ہو فریادی