فرید بھنڈار

سُندے او نا پئے پچُھ1 دی گُنجار2،

آؤ دھیائیے3

کیہڑے نیں ساہ جیہڑے تِھیندے نیں بھا4

کیویں اوہ بلدی کیویں بجُھدی اے،

کیہڑے نیں کر پیر جیہڑے

تِھیندے نیں واہ گاہ

کنک مکّی جَوں باجرہ جوار،

تے ہو ویندے نیں آپے ای

چکِیاں ویلنے چکلے،

تے پِیہہ5 رسائی اوہناں دی پرِیتی بھاکل6 دی

کِیکن پان7 ملاپے نال پئی گُجھدی اے،

ایہہ لؤ

آ گیا جے پرتاوا8 پچُھ دا،

رَت9 پئی آہندی اے:

تے ہور کون آں میں

جے اوہا نہیں تاں

1- پچُھ= سوال، کوئسچن-2 - گُنجار= گُونج-3 - دھیاون= دھیان دیون-4 - بھا= اگ-5 - پِیہہ= پِیس کے- 6- پرِیتی بھاکل= پیار دی گلوکڑی- 7- پان= پانی، پانی دے- 8- پرتاوا= ولدا، جواب-9- رَت= لہُو، خُون-