ایہہ وَلّاں چَھلّاں نیں
ونَسپَت ساگر دِیاں
آن اساتھے ادھ بھادریں سَریاں،
اِک دے پتر نیں جِیبھاں ہریاں
پھُل نیں اوہناں دی ٹوہ پیازی
کھیڑ اَدِسنی نال سہیڑی اے،
ہیڑ مدن مٹیاراں دی
بھوگن میلا لایا نیں،
دُوئی دے پَتر ہوئے تلیاں
تھالیاں ہریاول بھریاں،
ٹاہن اساڈے ڈھکاں تھئے
چاڑھ ایہناں نُوں لاہیائے اپنی پھُل پتراں دی سیجے اساں
وَلّاں = ویلاں - چھلاں = لہراں - ونسپت ساگر= گھاہ بِرچھ بُوٹ دا سمندر (ونسپت= گھاہ بِرچھ بُوٹ، ویجی ٹیشن، ہربیج- ساگر= سمندر)- ٹوہ=چھوہ، ٹچ، بھال، تلاش- مدناں = 1) سوہنِیاں،
2) شہد دِیاں مکھیاں - ہیڑ= ہجوم، بہت ساریاں - ڈھکاں = ڈھلواناں -