بھلا جیہا کوئی ناں جے
ایس نازک نازو رُکھڑی دا
جَٹی روہی دی ہے ایہہ کوئی نہ؟
تکّے فریدن1 دَسے
چیتر بہارے پُھل وی سُوہے لگدے نیں
پَتر نِکلدے نیں، لَمّے پکیرے ہتھاں ورگے،
ہُن اَدھ مانہیں
پُھل پَتر تے کوئی نہیں
پوری سلیٹی کُولی ہے ول کھاندی وکھاندی
یا ٹہنیاں وِچوں نِکلیاں انگلاں،
وڈیاں رُکھاں دیاں پوریاں اندر
نر ناراں دیاں پَٹاں پِٹھاں دا کُھلن مِلن تے
تکیا تُساں وی ہونا ای اے
آکڑ لِف دَھوناں دی
بَھگ لِنگ دے بھوگل رنگ عجائب،
ایہہ پر انگلاں نویکلیاں نیں
کُولیاں پِیڈیاں
ہُجکا ذرا جیہا لگے تے ترُٹ زِویں تے لَتھن،
چُپ کَھلیاں نیں
خبرے بھیت جیون دا دیندیاں پئیاں نیں
چِڑیاں نوں چنبیاں راہیں:
1- وِچ روہی دے رہندیاں