نیلی منجھلی، کالا کُڑتا،
مٹیالا بے رنگا بھوچھن،
پٹری کَھلی اوہ کار روڑھ وِچ ٹِھل نہ پئی؟
دو پیر پَٹ کار ولائی
دُوجی آئی
اِک پیر پِچھانہہ ہو اوہ وی لنگھائی
شوٹاں مریندیاں پِچھوں آئیاں نوں
پباں پرنے ہو راہ دیندی
ترَے اُلانگھاں مار سڑک وچکار ہوئی اے
دو ولائیاں ہور
پاروں ہُن اِکو پیر پِچھانہہ ہے
اِک وگاہٹی لگے اوہنوں مِدھ چلّی اے
اوس بانہیں چا بھوانٹی ماری لَت دُوئی سڑکوں پار گذاری
جاپے پکھو اچرج کوئی لتھا اے اِس راہے
کار روڑھ نوں ٹھل پرتائیوس:
جاگو نی اڑیو
سُتیاں سواراں ڈھائے چڑھیو
پیراں پرنے ہو سبھ آؤ
ڈار اُڈارِیں رلیئے