فرید بھنڈار

خاک جاں ایہناں ہتھاں گوئی1

نیلے نَیں نِیر نال

انگلاں تلیاں اندر سر گئی

وار گھال دی،

چَک پِھریا تے انگلاں دی ٹوہ نے

پرتاں سیدھاں گولائیاں اچنبھا کڈھ کڈھ بھانڈے سارے2

تلیاں جائے3 آوی اُتارے

بھاء4 سرِیراں وِچ سموء

جاں آئیاں باہر کَول کُجیاں تھال پراتاں

تک پئی اوہناں وِچوں سرے

''خاک تُساں ہو خاک اساں ہاں

آپے چک تے آپے آوی

لالی اساڈی رل کرنی دا رنگ ہے

1- گوئی= گُہی، گُنھی- 2- سارے= بنائے، تیار کیتے- 3- جائے= جمّے، پیدا کیتے- 4- بھاء= اگ-

رل کرنی دی بھاء ترنگ ہے

ہُن جِیوکا لال چھکا تُسانوں

کُھسّا چروکا تت اساں پرتاونا اے''