جیہڑے خلق دی گھال نموشی جُگ جُگ جائے نیں
جیہڑے لا کے رنگ رنگ بانے مُلکھو مُلکھ پِھرن
جیہناں بول بیڑی وِچ بہہ کے گاہیاں پنج نَیِئیں
جیہناں جیبھ رَڑی وِچ ساڈی اکھراں دے بِیں کیرے
جیہناں دُھکھنی رات نساری دینہہ دی کر گوڈی
جیہڑے گُھٹ ورتا گئے سانجھا بھیت اَڑوڑی چوں
جیہڑے جاگ ہونی دی لا گئے کَل دی رِڑکی نوں
جیہناں گنڈھ نالے پرنالے دِل دریا کیتے
جیہڑے تخت فقیری تختہ دے گئے اُڑیاں نوں
اوہ فرید دمودر نانک اوہ گُرداس حُسین
اوہ باہو اوہ بُلھا وارث برخوردار نجابت
اوہ محمد قادر یار اوہ سَچل غلام فرید
خالق خلق رلا گئے ہک کرارض سماء
ہُن جَنی کھنی نوں آکھن انہد ناد سُنا